Svartidauði

Urður bókafélag hefur gefið út bókina Svartadauða eftir Kim M. Kimselius og er það sjötta bók þessa vinsæla sænska höfundar sem kemur út á íslensku.

Sagan gerist árið 1348, árið þegar Plágan mikla – Svartidauði – herjaði í Evrópu og lagði nærri helming íbúa álfunnar að velli. Ramóna og Theó eru á ferðalagi á Ítalíu þegar þau flytjast skyndilega til í tíma og hafna í Flórens á árinu 1348, þegar Svartidauði geisaði í borginni. Í Flórens kynnast þau ungri stúlku, Minette, sem býr yfir hrikalegu leyndarmáli. Þá átta Ramóna og Theó sig á því hvar þau eru og á hvaða tíma og flýja úr borginni ásamt Minette.

Saman lenda þau í spennandi en óhugnanlegum ævintýrum.

Tilboð frá Urði bókafélagi

Jólin nálgast og Urður bókafélag hefur ákveðið að bjóða eftirfarandi bókatilboð:

Allar bækur Kim Kimselius (fimm titlar) í einum pakka á kr. 5000,-
Sá er maðurinn 1 og 2 saman á kr. 4000,-
Bogi Th. Melsteð - Ævisaga hugsjónamanns á kr. 2500,-Sjandri og úfurinn á kr. 400,-

Athugið að um forlagsverð er að ræða og þessi tilboð gilda aðeins ef bækurnar eru keyptar beint frá forlaginu. Tilboðin gilda fram að áramótum.

Ofan Vatns eftir Jane Aamund

Í þriðja og síðasta hluta Klingivalstrílógíu danska rithöfundarins Jane Aamund segir frá Jósef, elsta syni Júlíönu Jensen. Jósef er myndarlegur og heillandi ungur maður sem margar konur líta hýru auga. Hann syngur í óperukór Konunglega leikhússins, reynist hafa dulda viðskiptahæfileika og er almennt ungur maður á uppleið.

Júlíana gleðst yfir velgengni hans og í hvert sinn sem hann er með í nýrri óperu eða statisti í leikriti situr hún á sínum stað á svölunum með prógrammið á hnjánum og horfir aðdáunaraugum á son sinn.

Öll fjölskyldan fylgist síðan forviða með frama hans og gjálífi sem stendur þar til hin unga fröken Weibel frá Lemvig á Jótlandi hringir dyrabjöllunni á stóru einbýlishúss í Hellerup.

Bandaríkjaforsetar eftir Jón Þ. Þór

Í þessari fróðlegu bók er ævihlaup allra forseta Bandaríkjanna rakið á greinargóðan og lifandi hátt. Hér segir frá fyrstu forsetunum sem áttu þátt í stofnun Bandaríkjanna, George Washington, John Adams og Thomas Jefferson, frá Abraham Lincoln og sviplegum örlögum hans, frá mönnum sem flestir kannastenn við, t.a.m. Franklin D Roosevelt, John F. Kennedy, Richard M. Nixon, Bill Clinton og George W. Bush, svo nokkrir séu nefndir.

Hér segir líka frá kempum á borð við Andrew Jackson, Andrew Johnson, Ulysses S. Grant,Theodore Roosevelt og öllum hinum sem nú er sjaldan getið.

Dagrenning eftir Ingólf Sverrisson

Í þessari bráðskemmtilegu bók reynir höfundur að gera sér  grein fyrir því sem hann upplifði, vitandi eða óafvitandi, á fyrstu fimm árum ævinnar. Hann segir frá áhugamálum sínum og væntingum, foreldrum, systkinum og vinum og hvernig daglegt líf á Akureyri kom ungum dreng fyrir sjónir um miðbik 20 aldar.

Júlíana Jensen

   

 Önnur bókin í KLINGIVALS-trílógíu danska rithöfundarins Jane  Aamund.

 Fyrsta bókin, Klingivalsinn, kom út árið 2012. 

 Hér segir áfram frá Júlíönu Jensen og litríkri fjölskyldu hennar.  Einstaklega hugljúf og skemmtileg saga sem lýsir vel aldaranda og  erfiðri lífsbaráttu alþýðufólks í Kaupmannahöfn um aldamótin  1900. Þriðja bókin er væntanleg snemma á næsta ári.

                       

Bogi Th. Melsteð - Ævisaga hugsjónamanns

Bogi Th. Melsteð var einn hinna svonefndu aldamótamanna, þeirra sem fremstir fóru í sjálfstæðisbaráttu Íslendinga á tímabilinu frá því um 1890 og til 1918. Hann bjó lengst af í Kaupmannahöfn, var mikilvirkur fræðimaður og skrifaði mörg rit um sögu Íslendinga sem voru mikið lesin hér á landi og víða til á heimilum. Bogi tók virkan þátt í íslenskum stjórnmálum, sat um skeið á alþingi en starfaði þó löngum á bak við tjöldin. Hann var gagnkunnugur ýmsum helstu stjórnmálaforingjum Dana á fyrstu áratugum 20. aldar, var eins konar óopinber ráðgjafi C. Th. Zahle forsætisráðherra, og hafði mikil áhrif á ákvarðanir danskra stjórnmálamanna í “Íslandsmálinu” sem svo var nefnt í Höfn. Bogi beitti sér einnig mikið í atvinnu- og menntamálum Íslendinga og árið 1912 hafði hann forystu um stofnun Hins íslenska fræðafélags í Kaupmannahöfn sem enn starfar.

    Bogi hefur lengi legið óbættur hjá garði í íslenskri söguritun. Í þessari nýju ævisögu, sem er að verulegu leyti byggð á áður lítt þekktum heimildum, varpar Jón Þ. Þór sagnfræðingur nýju ljósi á hlutverk Boga í sjálfstæðisbaráttunni og um leið á ýmsa lítt kunna og gleymda þætti í íslenskri stjórnmálasögu öndverðrar 20. aldar. Hér mun margt koma á óvart.

    Bókin er gefin út af Urði bókafélagi og Hinu íslenska fræðafélagi í Kaupmannahöfn.

Landnámsmenn úr landnorðri

 

Hvaðan komu landnámsmenn á Íslandi? Fram til þessa hefur því oftast verið haldið fram að þeir hafi nær allir komið úr suðvestanverðum Noregi en í þessu nýja verki bregður norski sagnfræðingurinn Alf Ragnar Nielssen nýju ljósi á landnámssöguna og sýnir fram á að hartnær þriðjungur þeirra landnámsfjölskyldna sem getið er í fornum heimildum íslenskum kom frá Norður-Noregi – af Hálogalandi og úr Naumudal. Hann greinir frá uppruna þeirra, hvaðan þær komu í Noregi og hvar þær settust að á Íslandi. Þetta er fróðleg og athyglisverð viðbót við landnámssöguna og skýrir mörg forvitnileg atriði.

 Alf Ragnar Nielssen er prófessor í sögu fyrri alda við Universitetet i Nordland í Bodø og starfar einnig við Lofotr Vikingmuseum á Borg í Lófót. Hann hefur ritað margar bækur um sögu Noregs á miðöldum og er einn af ritstjórum fjölbindaverks um norska fiskveiðisögu sem nú er í undirbúningi.

Áður en flóðið kemur

  Áhrifamikil fyrsta skáldsaga Helenu Thorfinn. Sagan segir frá Sofíu sem er metnaðargjörn í nýja starfinu sem yfirmaður þróunaraðstoðar í sænska sendiráðinu í Dhaka, höfuðborg Bangladesh. En lífið í Dhaka kemur róti á hana og í þessum nýja raunveruleika glundroðans veitist erfitt að halda í gildismatið sem virtist svo sjálfsagt við eldhúsborðið heima í Svíþjóð .

Á sama tíma breytist líf systranna Nazrin og Minu, sem búa í þorpi úti á landi, til frambúðar. Í heimi þar sem fátækt, trúarbrögð og gamlar hefðir stjórna lífi ungra kvenna í minnstu smáatriðum neyðast þær til að taka ákvörðun um að segja skilið við ömurleikann og hefja nýtt líf í iðandi stórborginni. Það er allt annað er auðvelt.

Sagan  lýsir munaðarfullum heimi diplómata, svangra og bláfátækra kvenna og barna sem vinna við ömurlegan aðbúnað í fataverksmiðjum og vestrænna fjölskyldna með ung börn. Þetta er heimur þar sem framagosar og hugsjónafólk safnast saman á sama sundlaugarbakkanum og hryðjuverk, kvennakúgun, barnaþrælkun og  tennisleikir eru sjálfsagður hluti af daglegu lífi.

Sá er maðurinn II

Sá er maðurinn II eftir Jón Þ. Þór er nú kominn í allar helstu  bókabúðir.Bókin hefur að geyma æviágrip 360 instaklinga sem settu svip  á mannkynssögunafrá elstu tímum og fram til 1750.  Handhæg og aðgengileg uppflettibók sem hefur mikinn  fróðleik að geyma.